Ментално здравје

Ментално здравје

Драги родители, денешното темпо на живот сè повеќе носи со себе различни предизвици. Сите понекогаш сме уморни од обврските и сите обврски кои не очекуваат во денот, тоа е нешто заедничко за сите.

Некои родители целосно забораваат на важноста на грижата за себе, додека некои родители се свесни за важноста од развивање стратегии за справување со секојдневните предизвици, но во исто време, во морето на обврски, едноставно забораваат на своето ментално здравје но и на менталното здравје на своите деца.

.Менталното здравје на децата е најбитната  работа која значи дури и правилен тек на нашите животи. Посветеноста на нивното ментално здравје означува здравје во секоја смисла, здраво семејство, здрави деца, напредок и радост.

Развој на говорно-јазичните способности

Проблематики во менталниот развој се многу бројни, со се може да се соочиме за да помогнеме. Најчести патологии во менталниот развој се голем број но новата епидемија е нарушување на говорот, аутизам, адхд, адд и уште многу други за кои треба да навремено делуваме, како со совет така и со терапевтска заложеност, а и родителска ангажираност.

Говорно-јазичниот развој е сложен процес и се одвива според точно одреден редослед. Од самото раѓање децата се насочени кон својата социјална околина и на тој начин се остварува комуникацијата и социјалното учење. Комуникацијата е воедно и основниот предуслов за усвојување на јазикот и усвојување на говорот. Во првите години од животот семејството е најважно за детскиот развој. Првото учење се одвива во социо-културниот контекст на семејството. Семејните навики и обичаи ја поставуваат соодветната структура и емоционалната клима која го стимулира раниот развој на детето. Воспоставените навики му овозможуваат на детето препознатливост, предвидливост и сигурност, ја создаваат рамката за предвидување и соодветно одговарање, му помагаат на детето да научи да го насочува своето внимание, да ја забележува правилноста и да предвидува што следува. Сето тоа му дава сигурност на детето и му го отвора патот кон зрелите облици на учење.