Имунизација

Имунизација

Високото ниво на вакцинација е многу значајно за да се обезбеди заштита на индивидуата, а исто така и да се постигне колективен имунитет за некои болести. Општи препораки за имунизација се:

Вакцина не смее да му се даде на дете помало од возраста за која таа е индицирана на календарот.

Вакцините што бараат ревакцинација не треба да се даваат на пократки интервали од тие што се наведени во календарот.

Ако од која било причина детето пропушти вакцина или вакцини, треба да ги прими подоцна. Нема потреба да се почнува одново.

Вакцините не треба да се дадат ако детето во моментот не е добро или ако има покачена температура.

Не треба да се дава вакцина ако детето имало сериозна реакција од претходната доза на истата вакцина.

Пет атенуирани вакцини (на пример, мали сипаници, заушки, рубеола, бесеже) не треба да се даваат на имунодефициентни деца, на деца кои се на цитотоксична терапија или на висока доза кортикостероиди, поради ризикот од тешка генерализирана инфекција.