СЕЗОНАТА НА АЛЕРГИИТЕ КАЈ ДЕЦАТА ЗАПОЧНУВА А СО ТОА И СТРАВОТ ДАЛИ Е КОВИД ИЛИ АЛЕРГИЈА ?

Тема која во претстојниот период ќе ни е нешто најважно кога станува збор за здравјето на нашите дечиња. Сега кога почнува сезоната на алергии сигурно ќе има симптоми кои ќе ги исплашат родителите, кивање, течење на носот, кашлица.

Кивање, кашлање, затнат нос – кога ќе забележиме такви симптоми, во денешно време често се сомневаме на ковид. Сепак, постојат разлики помеѓу обичната настинка и алергиите во однос на инфекцијата со коронавирус.

Поленот на дрвјата е веќе започнат и кој има хроничен проблем треба да знае дека е време да ја започне терапијата.

Анализите на крвта се многу важен параметар за да се направи разлика помеѓу алергија и Ковид 19. Кај вирусите покажува намален број на леукоцити, а зголемен број на лимфоцити, додека кај алергиите еозонофилите се во пораст.

Исто така има и други симптоми – оние кои имаат алергии не се чувствуваат премногу изнемоштени како кај ковидот а и при алергиски ринитис, често може да се изгуби и сетилото за мирис.

Ако детето почне да одбива храна, тоа е показател дека е во лоша општа состојба, има температура, почнува да кашла. Дијареата е доста честа појава на таа мала возраст, може да има промени на кожата во вид на уртикарија, забележани се и инфекции на увото кај малите пациенти кои се позитивни на КОВИД.

Важно е да знаете како да ги разликувате симптомите предизвикани од коронавирус од оние типични за настинки или алергии.

Тоа разграничување во сезоната на алергии, гастро и респираторни инфекции е доста тешко. Короната кај децата има различни симптоми, од општи манифестации, треска, до респираторни потешкотии, понекогаш и дигестивни растројства. Она што е основно е да направиме епидемиолошка анкета – позитивни родители, позитивна средина а потоа да се обрне внимание токму на детето кое е со треска, малаксаност, болки во зглобовите, главоболка, кашлица, повраќање, дијареа и

сите овие симптоми, на пример, не се присутни кај алергиите.

Кај алергиите обично нема температура, но се присутни кивање и кашлање. И алергиите имаат секако имаат своја определена сезона. Како месеците напредуваат и се движиме кон периодот на пролетта проблеми во тој момент можат да создадат јаворот, брезата, врбата, тревата и уште многу други. Напредното цветање им создава проблеми на луѓето со алергии. По принцип сите растенија ни покажува дека сите тие се со зголемени концентрации на полен. Онаму каде што климата е поостра, концентрацијата на полен е помала. Падот на температурата благо ќе ги намали концентрациите на полен, но со подобрување на времето тие повторно ќе се разгорат. Ако некој развие алергија на полен, ќе ја препознае по карактеристичниот силен секрет од носот и чешање во грлото, носот или ушите, дури и отекување на ларингсот и отежнато голтање “

Кај многу пациенти проблемите се потенцираа поради топлото време и присуството на висока концентрација на полен од дрвјата во воздухот, што започна практично од крајот на Јануари.

Оние пациенти кои знаат за својата болест од претходно и кои се консултирале со педијатар алерголог, знаат како да ја користат својата редовна терапија во текот на сезоната, како и да ја интензивираат доколку е потребно.

Оваа терапија за алергиски проблеми се состои од земање не-седативни антихистаминици и назални спрејови со кортикоиди. 

Доколку има и бронхијална астма, потребно е редовно примање на спрејови, професионално кажано, инхалациона терапија со кортикоидни пумпи. Некои пациенти со астма земаат комбинација од кортикоиди(кортикостероиди) и лекови кои моментално ги прошируваат дишните патишта (бронходилататори) во истата пумпа, заедничка комбинација за подобра абсорпција.

Што е со оние деца кои имаат симптоми на респираторна алергија за прв пат оваа сезона? Родителите треба да знаат дека симптомите на таа првична алергија се чешање на носот и очите, кивање во серија, лачење чиста течност од носот, понекогаш и целосна назална конгестија, поради што дишат преку уста, додека симптомите на алергиски бронхијална астма се, пред сè, напади на задушување: отежнато дишење, со чујно свирење и отежнато дишење во градите.

Значи симптомите на алергија значително се разликуваат од симптомите на вирусна инфекција, кои вклучуваат: треска, малаксаност, треска, болки во мускулите и кашлица. Децата со вакви симптоми мора задолжително да се јават во педијатриска служба. Секако, можно е и детенце со респираторна алергија да добие вирусна инфекција, во тој случај симптомите се комбинираат и се третираат комбинирано, во зависност од општата состојба и степенот на респираторните проблеми.

Оваа антиалергиска терапија може да се прекине во секое време, но и дека оваа терапија може да се продолжи во секое време, за еден месец. Секако во консултација со педијатарот. Оние кои првпат ќе почнат да имаат алергиски манифестации, можат да користат антихистаминик.

Не треба да го заборавиме важниот факт дека Ковид 19 е заразна инфективна болест, а алергиите не се, дека корона вирусот може да предизвика треска, а алергиите не, дека затнатиот нос и кивањето во серија сè уште се карактеристични за алергиите. Покрај тоа, ковид 19 се карактеризира со отежнато дишење и сува надразнителна кашлица во периоди. Како најважна информација за родителите е дека поготово овој период, посебно за и околу Ковид 19 инфекцијата 95% е присутен Омикрон сојот кој е да поагресивен и брзо контагиозен но да нема место за паника воопшто, бидејќи симптомите се само неколку дена и поминуваат многу лесно, дури можам и да потврдам од сопствено искуство кај децата трае од 4 до 6 дена. Обично се манифестира со благо покачена температура и сува кашлица, мали болки во мускулите зглобовите. Веќе и притисокот по педијатриските амбуланти е сведен на минимум. Само како битна забелешка е дека посебно внимание треба да се обрне кон децата со многу коморбидитети односно со многу други заболувања кои се од типот на кардиоваскуларни, имуносупресивни, онколошки, системски, дијабет, обезитас и сите оние кои имаат некоја ретка болест, кај тие дечиња родителите доколку приметат било какво влошување веднаш да се јават кај својот педијатар па дури и ако е потребно да детето биде хоспитализирано. Очекувам полека да се смири ситуацијата, да се врати во состојба пред пандемијата, децата да се разболуваат од други вируси – вирус на грип, аденовирус, настинки и алергии. Навременото тестирање и правење лабараториски испитувања ќе не насочи кон правилен третман независно дали станува збор за алергија или Ковид 19.

И како за крај, сигурно ќе се вратиме во нормален живот барем до есен, а од есен ќе видиме што не чека, дали вирусот само некаде спие, но ретко кој има одговор на тоа прашање. Останете во добро здравје и ние педијатрите сме секогаш тука за нашите најмали херои, децата. СЕ ЗА ДЕЦАТА.